懷孕逾五個月的陳凱琳（Grace）昨日穿貼身裙在海洋公園出席活動，為安全計全程戴口罩。除了肚凸凸及胸部升cup，手腳依然纖瘦，貪靚的她更腳踏三吋幾高跟鞋。她與老公鄭嘉穎現育有一歲多囝囝鄭承悅（Rafael），兩人早前「5．20」才公佈懷第二胎。她說：「幾多個月唔講，總之穩定、健康，比第一胎舒服，胃口幾好，下星期會同幾個女性朋友開baby shower公開BB性別。」而一般baby shower會在BB出世前一個月內舉行，慶祝BB即將到來。
照穿高跟鞋
Grace笑言Rafael暫時未意會到將榮升哥哥：「佢可能仲細，唔係好知道，但見住佢一日一日成長識行識走好神奇，佢試過走埋嚟篤一篤我個肚就行咗去。」由於擔心他日後會呷醋，Grace收集坊間意見，會買禮物代BB送給Rafael：「佢鍾意睇書，成日坐喺我大髀要我讀書佢聽，希望繼續培養佢呢個習慣。」
強調有戲癮
提到第一胎開刀分娩，今次Grace仍在考慮中：「未決定，我個人較細粒，安全起見交畀醫生決定。」日前她度過29歲生日，獲老公鄭嘉穎送上心愛禮物一齊慶祝，她笑說：「出年30大壽先大搞，人生得一次30 、40 、50。」問到腹大便便還穿高跟鞋，她即指：「呢對唔高啦，嘉穎知我工作出場時先着，之後立刻換返，OK嘅。」見她大肚後明顯豐胸，她即撒嬌：「我唔講呢啲，的確重咗十幾磅，之後都要keep，好多人都嚇話生完第二胎難收身。」
有傳鄭嘉穎回巢拍劇是為她還劇債？Grace說：「可以咁嘅咩？當然唔係，大家有商有量，嘉穎返去同好朋友馬國明拍劇都好開心。」她強調自己仍有戲癮，否認主動解約退出當KOL，表示與無綫合約未完。此外，劉鳴煒下月將接任海洋公園董事局主席，席間大會亦公佈相關消息。