【本報訊】「藍血人」因為抽血員佩戴黃色小飾物而中止捐血後，醫管局和紅十字會先後「跪低」道歉，局方更稱會嚴肅跟進事件。醫管局員工陣線早前接獲涉事職員求助，昨日於沙田威爾斯親王醫院門外擺街站，派發數百個寫上「反抗」的易拉扣，呼籲會員掛在職員證上，以行動聲援事主，反對職場白色恐怖。
工會威院外擺街站派掛飾
醫管局員工陣線副主席羅卓堯批評醫管局雙重標準，只准高層公開支持國安法，卻容不下員工佩戴飾物表態，利用職權製造白色恐怖，打壓員工表達意見自由。他指出，「警察出勤件制服貼到成個背脊都係圖案，警務處處長就覺得冇問題，抽血員掛飾物，就要醫管局彈出來回應」。他憂慮白色恐怖魔爪會延伸至審查同事的私人言論，例如社交網站平台等，呼籲會員團結反抗，「一齊畀啲勇氣嗰位抽血員」。
據工會了解，涉事職員仍如常執勤，暫未獲通知是否會受到處分。
醫管局員工陣線昨於沙田威爾斯親王醫院門外擺街站，派發寫上「反抗」的易拉扣，任職護士20多年的巫女士經過街站時，主動領取證件扣，她批評警方以小人之心，度君子之腹，「如果唔係身有屎，怕乜人哋戴飾物箒，警察自己濫用職權打人，咪覺得人哋都會咁囉。」呼籲同工齊心力抗白色恐怖。