【本報訊】香港獨立聯盟召集人陳家駒在港版國安法通過前逃離香港，被視為本土派的民間集會發言人劉頴匡表示尊重陳家駒的決定，但他揚言無懼港版國安法，表明會留守香港，並呼籲港人切勿懼怕及放棄，「再堅持多一陣，可能會有曙光」。
劉頴匡說，對年輕人須離開香港覺得很可憐，「似乎任何對香港有理想嘅年輕人一定要逐個被打壓，一係要坐監，一係就要流亡，政權容不下一班有心改變香港嘅年輕人」。惟他揚言無懼港版國安法，一定會留守香港，「雖然會有人流亡，但同樣一定需要有人留守喺香港，我願意、亦有覺悟留守香港……惡法殺到埋身，一定要有人承受，佢揀中咗我嘅話，我只能去承受」。
陳浩天：不應被政權剝奪自由
他續指港版國安法立法後，未知中共會如何對待異見人士，但呼籲港人切勿因此懼怕，「就算被捕或被針對清算，我哋都唔會放棄，希望香港人喺呢個危難嘅時候，更加要強大自己嘅心志，繼續用自己嘅方法抗爭，只要香港人再堅持多一陣，可能會有曙光」。
去年7月13日「光復上水」遊行後被控非法集結及襲警的前香港民族黨召集人陳浩天認為，陳家駒選擇離開香港只是保障個人自由不被剝奪，「每人所能承受嘅風險同壓力唔同，而且每個人天生都應該有權自由咁生活，選擇自己人生嘅道路，唔應該被其他人或政權剝奪，佢只係保障自己嘅自由不被剝奪」。被問到港版國安法通過在即會何去何從，他稱隨遇而安。