ViuTV今日播出的新劇《地產仔》，與黎耀祥、陳豪、李佳芯主演的無綫劇《殺手》對撼，新劇《地產仔》更請來久違的鄭浩南和雪兒參與演出，新鮮感十足，劇情以鄭浩南帶領一班後生仔，與地產霸權抗爭，為街坊爭取一個家，人情味濃厚。而ViuTV另一齣新劇《暖男爸爸》，亦找來18年沒拍劇的鄭中基飾演單親爸爸，大打溫情牌。亞視則找來金牌監製戚其義籌備時裝愛情劇，誓引來一番「劇」鬥！
近年ViuTV劇集《教束》、《打天下》、《歎息橋》題材新穎，觀眾受落。今日推出20集的人情劇《地產仔》，幕後班底強勁，由ViuTV聯同天下一電視製作部及寰亞公司電視製作部開拍，無綫前監製徐遇安與著名電影製片人鄧維弼任監製，演員有廖子妤、胡子彤、吳肇軒、麥子樂、徐浩昌、余香凝等，還有久別香港影視圈的鄭浩南和雪兒，其中廖子妤女扮男裝的造型更令人眼前一亮。
ViuTV官方網站昨日上載了一段20分鐘的製作特輯，內容是鄭浩南創辦專做街坊生意的「和聯興地產」，後來一班後生仔加入，齊齊合力對抗唯利是圖、以雪兒為主的業界龍頭「龍星置業」，阻止舊區重建逼遷計劃，保衞街坊家園，大家經歷社會現實殘酷後，領悟到有人情味才稱得上是「家」。劇中揭示香港地少人多高樓價所引發包括劏房及地產打架搶客等光怪陸離的社會現象，也道盡大公司用盡不法手段逼遷的地產黑幕，網民均留言引頸以待。
鄭浩南角色貼地
鄭浩南表示：「我個角色可以唔賺錢，為求大家有一個家，買一個值得有嘅家，同大型地產商對抗。今次拍得好開心，同新演員合作，佢哋好有energy，拍嗰陣冇時停，一係走嚟走去，又或者成日唱歌，仲會學我做戲。」他感慨說：「香港喺呢段時間經歷咗咁多嘢，有一部帶出香港時代背景嘅劇，好多嘢正面同開心，有一定鼓勵作用。」
鄭浩南指片中有不少貼地的對白，廖子妤曾向他說做街坊生意本大利少，但他不怕被淘汰說：「美景良辰，和諧共處，聯繫四方，興家振國，投資炒賣，嗰啲大圍，有人情味，嗰個先叫做屋企。」
導演徐梓耀亦說：「呢套係『屎』上最多糞便嘅一套電視劇，我想用糞便去影射香港一啲問題，我知道返到嚟一定會俾人剪，唔講得，但我哋喺現場樂在其中咁拍。」
鄭中基為女學笛
至於另一部劇《暖男爸爸》，昨日於淺水灣拍攝戶外婚禮戲，飾演單親爸爸的主角鄭中基，與張可頤於劇中未有感情線，但份屬好友，張可頤說：「我哋係嚟觀禮，係好知己，編劇好多新嘅idea，個劇好多支線，感覺新鮮。」張可頤爆鄭中基樂器隨身，等埋位期間不時表演娛賓。鄭中基表示正在學新樂器：「喺美國訂返嚟，係一支笛但係配咗色士風嘅吹嘴。其實我係為咗個女學，因為佢學緊琴，但好懶唔想練，我同佢講『爸爸都學一種樂器陪你』。」可見他戲裏戲外都是暖爸爸。
而同場的文凱玲今年有意與男友結婚，但仍未開始籌備：「佢唔得閒我又唔得閒，可能最後簽咗紙先，因為地方未必book到。」她笑言未考慮度蜜月，因為現在旅行都要隔離，但就坦言懷念日本美食。
