【本報訊】盛傳港版國安法明日通過後將立即實施，但有關法案條文至今未見。有民主派及法律界人士批評，港版國安法將直接影響700萬港人，但連特首、律政司長至今也未見過具體條文，完全不尊重香港制度，以黑箱政治手法，「大石壓死蟹」式要港人接受，令人難再相信香港仍是一國兩制。
岑子杰怒斥：國家級精神病
港台節目《城巿論壇》昨日討論港版國安法，對於北京至今未公佈條文，公民黨主席、大律師公會前主席梁家傑批評，港版國安法影響全港700萬人刑事責任，更有傳可以令港人被判終身監禁，卻連特首、律政司長也不知具體條文，「咁係咪離譜咗啲？即係不要問、只要信，係咪咁呢？」他批評中共立法方式是黑箱政治操作和大石壓死蟹，處處都是有權用盡，不再自我約束，「咁點嚟一國兩制呢？」
梁家傑表示，港版國安法草案說明指該法屬實體法律、程序法律和組織法律，意即自成一體、平行時空地存在於香港，「香港原來所有嘅機制保障，包括國際人權公約、香港人權法案條例、審訊嘅程序公義、自由、人權，全部你都唔可以當佢可以喺呢套機制中實施」。
民陣召集人岑子杰也批評，整個立法過程完全不尊重香港制度，做法「黐線」，「香港有好多研究講緊過半數香港人反對國安法立法，你哋（中共）係完全冇聽，就喺度幻想有一班沉默大多數支持你，呢個係國家級嘅精神病！」
不過，港區人大代表黃均瑜指，港人習慣是立法時有諮詢「係好啲」，但「中央有中央嘅考慮」，聲稱中央認為立法「等多三日都嫌多」，又稱在中國體制下，人大常委是國家最高權力機構，「實際上佢做乜都得㗎……佢話要改變一國兩制，佢出句聲，大家投票咁就得㗎嘞！」