方力申（小方）、周柏豪和蘇皓兒等昨日在九龍灣參與籃球表演賽，小方指因疫情關係，自己的泳會入不敷支要關閉，他更要向政府申請資助10萬元應急，坦言蝕到入肉。對於舊愛鄧麗欣（Stephy）與台灣男友邱勝翊（王子）感情轉淡，有傳Stephy翻撻小方，他沒好氣說：「呢啲係無中生有，唔知點解突然有呢啲新聞，可能人哋部戲上，宣傳嚟㗎！」又坦言有看Stephy主演的《金都》。
已有半年沒有打籃球的周柏豪，笑指七個月大的女兒亦喜歡籃球：「我都想追多個，但因為太太開刀生，等佢調理好身體先。」談及他剛度過首個父親節，他開心地說：「我係咁問個女『父親節，有乜準備？』佢一嚿飯咁望住我。」