全港三、四位自由身「御用蛇王」中最年輕的「蛇王李」豪仔，他是爬蟲迷，自小已通山跑與蛇蟲鼠蟻為伴，更愛在蛇舖打躉偷師學習蛇類知識，結果他將興趣變為事業，當上蛇王奉召捉蛇。他自言是保育型蛇王，每次奉召到場捉蛇都是出於保護市民，以及護蛇的宗旨去完成工作，希望讓大眾對蛇了解更多，達至人蛇共融。
12歲捉蛇 17歲入行
現年31歲的豪仔，綽號蛇王李，早於12歲開始捉蛇，17歲入行，當時經蛇舖老闆「蛇王業」引薦，成為青衣警署御用蛇王之一。蛇王業大讚他：「佢玩蛇藝高人膽大，比我哋（傳統蛇王）叻好多。」豪仔大學時在台灣東海大學攻讀生物系，回港後曾在嘉道理農場工作，現為浸大、嶺大及城大研究助理。
對於捉蛇他有一套心得：「香港有50多個品種嘅蛇，基本上會致命嘅有五種，你要對各種蛇類習性有一定認識，對佢哋有了解後，你會知道有唔同捉法。」他舉例說：「蟒蛇捕獵方式係纏繞獵物，從而勒死佢，相對我比較細粒，我捉條蟒蛇，佢會即刻纏住我，以前捉嗰陣會比較唔小心，俾佢纏住我隻腳或者腰，後來我搵到方法，就係留空一隻手，當佢纏你時，另一隻手去解佢。」
捉蛇終究是高危工作，家人和女友難免憂心，但亦支持他。豪仔也遇過最驚險場面，「幾個月前試過一次捉眼鏡蛇，但無戴眼罩，結果不慎被眼鏡蛇毒液噴上塊面，當下要即刻用水沖。」不過，他一直堅持捉蛇，直言：「我做蛇王原因係，最希望佢哋（蛇）唔會受住傷咁返到野外……希望佢哋可以喺香港大自然環境中生存到，唔好話佢哋誤闖民居就一定要俾人打死，想消除呢套觀念。」