上月有報道講，巴塞隆拿對祖雲達斯30歲嘅中場比真歷好有興趣，更話雙方當時已達成共識。但當時祖記要求以巴塞中場艾法美路（左）做交易，但呢位巴西小將唔肯離隊，一度傳出交易告吹。但近日有報道話，艾法美路已經同意轉投「斑馬兵團」，更會喺呢幾日去都靈體測，雙方將簽約五年，年薪約500萬歐元，「疫市」之下仍成功完成一宗大交易。