德甲上月中復賽，但一直有直播權嘅體通天下仍未復播，噚日德甲煞科，體通天下終公告指因「同內容供應商喺合同上嘅理解現分歧」，決定停播德甲同英足盃等賽事至另行通知，仲話會對有關客戶賠償損失。至於之前暫停播意甲嘅卡塔爾公司beIN Sports，上周五終於播番，球迷可以睇到基斯坦奴朗拿度（左）入12碼，領軍主場大勝萊切4:0。