現年36歲的落選港姐兼無綫「御用妹仔」張韋怡（GoGo），2014年嫁給據聞擁有300幅地皮、經營8位數字鐘錶生意的有米老公Michael Poon後，一夜間飛上枝頭變鳳凰，並育有5歲兒子Ashton，一家三口跟老公家人住九龍塘8,000呎獨立大屋，自此經常大晒闊太生活。但《蘋果》前日收到讀者報料指，張韋怡被姑仔潘小姐在社交平台出post數臭她貪錢、愛晒命及挑撥離間等惡行，姑仔更留言：「邪不能勝正。」姑仔爆料謂：「開口埋口都係錢，你心哋太差，呢個就係你永遠坐唔正原因，簡單啲講，冇註冊，係有原因，我哋全家都唔鍾意你。」
索百萬教學基金育兒
姑仔又爆連照顧老父8年的傭人亦被張韋怡逼走，接着她再數臭：「經常用個仔威脅我哋全家人，郁啲就話攞個仔去一齊死，要帶走個仔之類。之前就同我扮friend，喺我面前扮可憐，話需要為個仔計劃將來，叫我同個老人家講，最後老人家畀100萬現金給乖孫做教學基金，過咗一至兩個星期報紙就出現咗，張小姐過百萬報讀北京課程，鐵一般事實。」《蘋果》翻查兩人Ig，早期姑嫂不時一同出席活動，但近年已不復見，甚至雙方於Ig未有互相關注。
《蘋果》前日聯絡張韋怡，先問到跟老公有否註冊？她謂：「我哋對婚姻呢樣嘢點處理唔需交代，對我哋嚟講我哋係事實婚姻。」提到用老爺給100萬孫仔做教育基金去讀書，她反駁：「我將筆錢畀咗老公再入銀行，我去北京讀書用自己積儲，有60萬係我媽咪借畀我，但我都還晒。」又指一家三口是應老爺要求才搬回大宅一齊住，自此便跟姑仔有磨擦：「始終潮州人重男輕女，可能佢喺某一啲嘢分配上有不滿，我哋都讓步。我始終係外人，唔係姓潘，有啲嘢忍得就忍。」接着張韋怡又坦承與老公是在日本結婚，故兩人的婚姻在香港沒有法律效力，她稱若果姑仔又進一步行動，不排除採取法律行動。
「畀四房一廳佢哋走」
姑仔昨日主動聯絡《蘋果》反擊，當中她提供不少跟張韋怡的對話截圖做證據，其中見到張韋怡似乎想趕大伯一家離開，更投訴說：「點解佢哋有免費工人、伙食、住大屋，我哋乜都要食自己？」以及「畀四房一廳佢哋叫佢哋走啦」等。姑仔指兩人交惡是因張韋怡媽媽搬入大宅開始，當時她來以便照顧孫仔，但張媽媽為人斤斤計較，連雞蛋數目也要計清楚，姑仔又指張韋怡稱跟哥哥在日本註冊，為何不拿出證據？提到張韋怡指老公家人重男輕女，姑仔力斥：「如果爸爸係重男輕女，佢向爸爸𢱑嘢就唔會叫我幫手，叫佢隔籬嗰個。」更指哥哥不少事情也是被蒙在鼓裏。
對於姑仔的指控，張韋怡昨晚回應：「太市井，誹謗完、再不誠實使用電腦，這些行徑正是這年多來她的『事業」』。我老公話：『她會是最後輸家，失去自己最親的兩個哥哥，自己冇丈夫冇兒女冇姪會認佢！』而我本人冇任何回應。」
張韋怡2007年參選港姐落選後，簽約無綫發展，初入行在《味分高下》擔任「味之天使」啤梨，接着多年來演出過百部電視劇，可惜全部皆是妓女、妹仔等閒角。