廖子妤、余香凝、陳穎欣、吳肇軒與邱士縉等昨日到九龍灣出席ViuTV新劇《地產仔》記者會，廖子妤以劇中的中性打扮現身，她指拍攝的半年內皆是紮胸上陣：「我平時禾稈冚珍珠，不過都幾辛苦，就算好細都係，紮住透唔到氣，不過慣咗就有安全感。」她又指自己會特別照顧胸部：「每次都拍返醒佢，怕佢搵唔到屋企、唔識返嚟，每日都會拍一百幾十下，我會跟Coffee按摩胸部條片嚟做。」
新劇對撼無綫的《殺手》，廖子妤說：「可以兩邊一齊睇，百花齊放。我哋呢套劇笑中有淚，香港人精神，就算幾慘幾壞都要堅強笑下。」《地產仔》的演員平均年齡較年輕，會否感到較有優勢？胡子彤笑言只是後生少少，不過眾人對新劇有信心，希望觀眾能夠留意年輕一輩的演員。