【本報訊】港版國安法衝擊香港言論自由，出版業首當其衝。下月中舉行的香港書展，審查難免。出版界人士指出，政權紅線多、法例模糊不清，何謂違法內容難以拿揑，誰都無法保證自己不會是下一個銅鑼灣書店店長，不過就算怕，有書商明言，當有空間發聲時仍會盡力捍衞，不會主動退縮。
次文化堂夥吳志森出書
港版國安法尚未正式推行，今年會參加書展的出版社代表阿Y（化名）已得悉，行內有新書即時胎死腹中，一間大眾熟悉的出版社疑擔心違反國安法，不願出版與去年抗爭運動相關的書籍，「我都有八卦本書係咪講港獨，佢哋話冇，只係分析角度睇抗爭運動」。
阿Y的出版社今年沒有出版時政書，參展計劃暫無受國安法打亂，至於已出版的時政書打算如常擺賣，「唔驚得咁多。我都唔知道佢究竟乜嘢叫做『敏感』，條線可以好唔同。我好難拿揑，索性唔好諗咁多」。
國安法勾起阿Y重溫2015年銅鑼灣書店事件新聞，推敲五子因賣書觸及國家主席習近平而踩中紅線，但國安法更難捉摸：「講啲乜嘢就叫出事呢？係咪講吓反送中都叫敏感？定港獨先叫敏感？最麻煩係呢個位。自我審查當然非常唔好，但唔審查萬一踩中就拉，又好麻煩。」Y估計香港內容應該可以「捱多陣」，但港獨已成禁忌不能觸及。
次文化堂社長彭志銘說：「白色恐怖就梗啦。」國安法最大問題是打擊一個地方原有的多元聲音、人們表達意見的自由，從事出版多年的他指，從來無人故意出書反政府，「整本支持港獨嘅書」，直至前特首梁振英忽然指《香港民族論》宣揚港獨為止，當法官邏輯扭曲成斬人也是情操高尚，只凸顯一地法治淪為無物，法律網已不能保護人民，「你本書題材係點已經唔重要，係來自一言堂、人治」。
彭志銘強調，出版社從來沒有做違法的事，今年夥拍政治風眼人物《頭條新聞》固定班底吳志森出書，另外會復刻出版2000年《老懵董》，「當年批評特首都冇人搞我哋，點解《頭條新聞》就咁多投訴？」為此以書明志，紀念一下曾經是自由出版社會的香港。