【本報訊】去年反修例運動激起千重浪，先在6.9和6.16爆發逾100萬人和200萬人上街抗議，特首林鄭月娥撤回條例後事件尚未平息，接連發生7.21、8.31事件，令民怨爆煲。陳父坦承始料不及，「我呢啲星斗市民，點會諗到咁複雜？」對於政治問題，他亦不敢回應太多。
「佢同香港人道歉咗」
陳父稱，由始至終沒向兒子問及台灣殺人案詳情，亦無討論市民上街示威及連串抗爭行動。「講真，我冇同我嘅細路（兒子）講過政治嘢，我只係作為父親，佢係我個仔，我只係針對focus喺呢件事，呢件佢做錯嘅事，至於你話個社會引申呢個問題，我相信細路又好，我都好，根本唔會係……即係唔係一個會預料嘅事」。
他甚至認為，無份量為兒子代答修例引申出連串政治事件：「我真係答唔到，更加冇辦法代佢（兒子）答，但係佢當日（出獄時）都同香港人道歉咗，因為有呢件事（殺人案）引申嘅問題。至於，我都只係一個蟻民，任何政治，唔係我去……包括我嘅細路更加冇可能……呢個政治嘅嘢，唔係我去諗。」
截至5月底，警方就反修例風波拘捕8,986人，當中18%未滿18歲，1,754人被落案起訴，當中35%人被控暴動罪，面對最長10年刑期。其中21歲救生員已因暴動罪判監四年，為反修例風波首宗暴動罪成案件。事件發酵至不可收拾地步，陳父直言不敢回應太多，他只希望大家「珍惜家人、珍惜自己嘅將來，對得住人，對得住自己」。