【本報訊】錯過了今次日偏食的市民毋須失望。天文台指，下次本港可見的日食2023年4月20日出現，惟屆時的日偏食僅勉強可觀看。
2023年日食冇睇頭
香港天文學會會長余甘楓指，屆時全環食帶主要覆蓋南半球的印尼南部、澳洲，「香港太偏，只能睇到日偏食」，料食分只有0.025，比起今次0.89相差甚遠，他形容好似「見到輕微凹一凹，即係好似同今日（昨日）初虧差唔多」。
昨日日偏食食甚時，太陽直徑89%被月球遮擋，令太陽變成幼細的彎月型，非洲和亞洲部份地方則出現日環食，而香港只看到日偏食。
余解釋，日食原因是月球圍繞地球運行至與太陽中間，遮擋了來自太陽的光線，由於月球圍繞地球行走的軌迹是橢圓形，而非圓形，故在地球不同位置會看到不同現象，月球接近地球時，「好似一個拳頭放喺眼前」，完全遮擋太陽形成日全食，若月球距離地球較遠，「就會遮唔晒，剩返個圈」，形成日環食。
余指今次日食出現時，廈門與台灣嘉義位於月球「偽本影」之下，故能看到日環食，「我哋比台灣南，打側少少，所以睇到斜咗少少嘅日偏食」。昨日台灣大批民眾專程開車到嘉義觀看有「上帝金戒指」美譽的日環食，逾30萬人湧至當地的北香湖公園，令市內交通大混亂。