政治審查滲透各行各業，連攝影界亦不能倖免。有業界承認早已聽聞有學校要求「P走」畢業相中政治手勢，相信事件非冰山一角，直指雨傘運動前從無特定要求，但近年學校政治審查漸趨明顯，有左派學校甚至不惜「斬腳趾避沙蟲」，直接不准同學拍攝「Q版」班相，攝影公司只能跟從。
從事拍攝學校「班相」七年的攝影師阿傑（化名）透露，P圖情況在行內十分常見，畢業照有時也會有改動，「小至『P走』啲眨眼呀、粗口手勢，大至成個背景換咗佢都試過。」但一般改圖只為得出更佳的視覺效果，與政治審查無關，2014年雨傘革命時期，學校一般甚少政治審查，「嗰陣仲有啲大型道具㖭，好似黃色banner嗰啲，但啲相都係有出到嘅。」
不過，他近月聽有學校要求執走五一手勢，甚至有親中左派學校「落order」不准學生拍攝Q版相，攝影師只能跟從指示，「始終佢哋係客人。」
業界指做法陰濕
對於有學校要求攝影師更改手勢，阿傑指業界對此甚為不滿，認為做法缺德，「咁始終佢哋做咩動作係佢哋當刻嘅諗法嚟，如果你唔畀做咪一開始就唔畀，咁樣（暗中）P圖好陰濕。」他工作的攝影公司堅拒學校執走涉及政治訴求的手勢，相信短期內不會就範，除非政治審查已遍及整個攝影界。「我哋個角色係攝影師，嚟係幫佢哋影相，你做咩動作我哋唔會阻止你。」