許志安去年4月背着太太鄭秀文（Sammi）偷食黃心穎，全城哄動，自言是「壞咗嘅人」的安仔，經過14個月的「修理」，本周一正式復工參與ViuTV音樂節目演出，他當日表示現身前得到Sammi的鼓勵，其間一度感動至眼濕濕。安仔正式復出後，Sammi昨日首度現身到北角為新戲《聖荷西謀殺案》接受訪問，而她亦大方談到安仔復工一事。
評語唔好介懷
提到安仔獲Sammi鼓勵而眼濕濕，是否給予他很大支持？Sammi說：「冇刻意，大家都住喺同一間屋，一步步嚟，始終出嚟面對群眾同呢個世界，自己要承擔自己嘅事。幾時出嚟佢都有問我意見，我同佢講自己決定，因為你要自己去面對，當你ready嘅時候就去做，畢竟都年幾喇，要練好首歌先，呢啲係重要過復出，經歷呢件事後，要面對咁多人唔係容易，要面對好多評語，要唔好介懷，呢一個係好大嘅心理關口。」Sammi坦言見安仔成功跨出這一步，亦戥他相當高興，亦感覺他輕鬆不少。
Sammi表示有看安仔的訪問片段，指他表現OK：「我叫佢自然同真心，呢年幾有乜嘢感悟要表現出嚟，要畀人明白佢嘅心路歷程，一切發自內心。」二人感情是否更跨進一步？Sammi說：「唔敢話跨唔跨過，一齊面對，唔係有事就得佢一個面對，夫妻是但一個出事，要一齊嚟承擔，呢個係面對婚姻同關係入面好重要嘅階段。」
躀一鋪非壞事
言談間Sammi對安仔充滿愛，她坦言感謝信仰的支持：「因為當時要做演唱會，幫我好多，之後我就休息梳理自己，大家唔需要擔心我，我唔會揼心口，我自己已經有十年信仰，改變咗我嘅人生觀。呢件事令我更加成熟，安仔亦都改變好多，我係佢身邊人，感受好強，啲觀眾就要慢慢感受吓佢嘅改變同進步，有時我覺得躀低一鋪都唔係唔好嘅事，我以前都由『臭four』到𠵱家，當然過程係痛苦同慘烈，但之後回望返就會覺得好好，因為變得更好，會覺得值得。」Sammi直言安仔變得更踏實，更認清生命的重要。
採訪：羅慧敏
攝影：仇志德