馬詩慧（Janet）、琦琦及蔡穎恩等，前日在尖沙嘴出席時裝品牌秋冬裝展覽。Janet和兩個女兒王曼喜、王麗嘉、兒子王躍穎現身，更齊齊由店舖操出展覽位置。Janet透露兒子由美國返港，已完成隔離：「好耐冇一齊去活動，今日特登出黎玩吓。佢之前仲喺美國，嗰時大學雖然closed，但照樣online有堂上，所以5月尾考完試，香港疫情又緩和，佢先返嚟。佢借咗朋友間屋自我隔離14日，到8月中大學先再開學，到時睇吓點情況再決定。」
王躍穎在美國讀電影，希望投身演員行列，Janet無限支持：「自己揀啦，佢目標係做幕前，返嚟好勤力，日日做gym，不過我哋都有提佢，有得讀製作、幕後嘅都要學，將來總有幫助。」
採訪：林妃
更多精采時尚內容，盡在 http://add.appledaily.com。