無綫資深藝員75歲雪妮的名字突然在無綫官方網頁消失，估計是約滿離巢，昨日《蘋果》致電雪妮，她的老公唐佳代回應：「幾個月前已經約滿咗，係我哋自己唔續，佢身體唔好，年紀大咪休息，享受生活。」問到會否不捨得？唐佳說：「冇，有啲嘢年紀大，係唔到你話事，公司有留佢，不過我哋都決定唔續喇！」雪妮在無綫效力23年，2013年在台慶獲頒「傑出演員大獎」，《踩過界II》和《食腦喪B》將是她的告別作。
另外，26歲的麥凱程早前亦突然「被消失」於《降魔的2.0》宣傳活動，有傳他因去年底示威被捕遭到雪藏。日前麥凱程於Ig留言：「無論點都好，我都會繼續為世界降魔伏妖。」《蘋果》昨日聯絡他，但未獲回覆。《降》劇監製方駿釗指：「「我哋冇聯絡，只知佢唔喺香港。」
採訪：唐琛悠
