【本報訊】除了滲水問題，綠怡雅苑還有多個缺陷，其中一個單位的坐廁水箱嚴重漏水，鹹水隨時損毀地台，殃及下層單位。屋苑廚房抽油煙機設計也很騎呢，住戶同時開抽油煙機及廚房窗，油煙會倒抽回單位內。
坐廁水箱嚴重漏水
記者上月底隨驗樓師賴達明到綠怡雅苑兩個單位驗樓，其中一個實用面積約425呎、擁開揚山景的一房單位，賴達明發現該單位浴室問題多多，其中坐廁水箱嚴重漏水，「一㩒掣沖水，啲水已經喺水箱背後湧晒出嚟，成個地下都濕晒，無論檢查、安裝同驗收都好，係相當容易發現（漏水），見到咁嘅情況我都好驚訝，過往我未見過咁嚴重情況」。
他估計，水箱可能「穿咗、裂咗」，須打開水箱詳細檢查。坐廁使用鹹水，長期漏水會造成地台防水層破損，滲水至下層單位。浴室洗手盆的水龍頭同樣未有妥善安裝，接駁位置漏水至浴室櫃內，長遠會發臭、發霉，影響耐用性；廁紙架亦明顯生銹。
另一個實用面積約420呎一房單位，賴發現浴室「都幾多問題」，包括坐廁板鬆脫、洗手盆水龍頭未安裝好、接駁位可滲水入櫃及企缸排水口地台磚有崩等。
該單位玻璃崩花情況亦頗嚴重，其中廚房窗有多達8處崩花，估計是大廈拆棚時未有做好保護措施，「啲沙石撞崩玻璃窗」；大廳近露台位置有一塊空心磚、冷氣機台底亦有大窿。
兩個單位的廚房抽油煙機設計騎呢，賴達明指廚房抽油煙機的排氣口與廚房窗距離不夠半呎，即場測試發現，同時開抽油煙機及廚房窗，油煙會倒抽入屋，「即係如果你打開窗，會食番晒啲油煙」，他建議住戶開抽油煙機時關窗。
■記者譚靜雯