反修例運動踏入一周年，過去百萬港人投入抗爭，由文宣到國際線要人有人，但脫下面罩大家都是普通人，要工作餬口，抗爭之餘亦要養活自己。多個北區民主派區議員組成嘅北區連線，見到唔少手足由運動開始免費犧牲公餘時間、放棄工作走去設計連儂牆文宣等，佢哋希望支援呢班出心出力嘅手足，於是同之前製作「香港人日曆」嘅朋友合作，推出抗爭月曆，扣除印刷成本所得利潤全數轉予文宣手足。
月曆橫跨2020年6月至2021年5月，以6月開首，北區連線嘅手足認為，應該以抗爭一周年為一個結算，回望大家走過嘅路，希望用6月開始嘅月曆，記住一切變化，「每年6月亦係香港人新嘅一年，新嘅開始。」內頁除咗收錄港人過去一年抗爭情境，亦都有香港人嘅抗爭日程同每一個特別日子。月曆每本69蚊，相信香港人都會明白呢個數字嘅意義，月曆暫定限售1,400本，詳情可參考： https://wefund.hk/product/northlink-calendar/