組合ERROR成員何啟華（阿Dee）、郭嘉駿（193）、吳保錡（保錡）及梁業（肥仔），近日主持ViuTV節目《ERROR自救TV》，眾人要接受不同挑戰，而前晚主題為「保錡個人自救計劃」，請來前財政司司長曾俊華任嘉賓，保錡自言緊張到想嘔，曾俊華反過來安慰他，兩人更以「撞手踭」來打招呼。訪問中保錡自言將步入中年，曾俊華語帶諷刺說：「你一啲都唔似60歲，近期有局長話去到60歲先係中年，你一啲都唔似。」
不過，保錡未能承接曾俊華的一番話，他惟有即時轉移話題，在場其他成員見保錡失禮終忍不住幫手，隨即向曾俊華道歉指知道保錡「唔OK」，曾俊華即講爛GAG：「你姓吳㗎咩？」隨後保錡在曾俊華要求下自彈自唱《浪子心聲》，可惜看着歌詞仍然唱錯，認真失威。事後保錡大讚曾俊華既「貼地」又冇架子，完全沒有代溝。
撰文：寶妮