小欖精神病治療中心裏面，小學老師與差佬「喜相逢」，場面會不會是咁的：
「信唔信擲你落橋！」「叫你個耶穌落來見我！」「信唔信拉你強姦！」「BLM！」「我不能呼吸！」「There is not美國！」好了好了，老師叫佢收聲，否則被裁判官重判他大話連篇，監多七日。「有問題的是你！冇悔意！」老師坐開，自己細細聲唱「榮光」。「你搞政治宣傳，冇用嘅，我唔會被你洗腦！」老師再坐開些，驚對方發癲，又試話佢用腳襲警，喔，雖然差佬已經做唔成警，發癲的差佬，點能執法。「你抗拒警員，信唔信我用更溫和方法，壓點控制你？跪頸，係咪想試吓！」老師頸背發麻，抖顫地坐得更開，「你望住我的眼神充滿仇恨，你有乜資格做老師？我懷疑你心智與人格都有潛在障礙！」
獨立調查報告出來了，「老師」評估「差佬」屬完美黐膠線，須接受終生治療。「佢幻想好快升職主審国安法，諗到黐咗孖筋。」老師穿回白袍，在報告打交叉：病患精神與身份嚴重錯置，威脅法院公正，收押小欖至2047。