今天是黃耀明的58歲生日，也是200萬香港人上街反送中的一周年。由明哥主唱、林夕填詞的抗爭歌《自由之夏》已於昨日派上各大電台，據知暫時只有商台播放。單曲於今日開始在何韻詩的網上商店發售，由網民自由定價購買，部份收益將撥捐612人道支援基金。
明哥昨日接受《蘋果》電話訪問表示：「聽日係我嘅生日，當然好大感觸，上年係我一生人最難忘生日，我希望呢日係改變香港人歷史嘅一日，因為我見到無論政權幾咁兇惡，香港人展現咗最好嘅一面，我希望嚟緊嘅日子，香港雖然黑暗同艱難，但香港人將會用最好嘅質素去面對，唔會被恐懼蠶食心靈，大家更加連成一起對抗惡勢力，呢個係我嘅6.16心願。」
採訪：皓騫