現年55歲的河國榮早年離開無綫往外闖，近日接受傳媒訪問時透露在2017年初患上基底細胞癌，同年年底又因心律不正，先後做了兩次手術。直到今年初，河國榮收養多年的14歲愛犬QQ亦不幸證實患上骨癌，加上撞正武漢肺炎爆發，他已停工半年多，結果為了應付自己和QQ的醫藥費，他合共欠下朋友及卡數逾80萬元，目前正申請政府的抗疫基金以解決燃眉之急。
河國榮在訪問上表示曾有段時間精神備受困擾、情緒低落，幸好在最困難的時候得到圈外朋友出手相助。他表示目前依然復工無期，因此只能盡力減省日常開支，為了生計亦計劃開設YouTube頻道，為生活另覓出路。
開頻道覓出路
《蘋果》昨日致電河國榮，再問到其經濟狀況，他透露：「全部都係等，好多嘢都停咗，我相信仲有排搞，好多嘢變得好快，但係冇得唔樂觀，做到幾多得幾多。」河國榮指出香港社會有幾十年購物文化，經濟健康的時候當然沒有問題，但一出現挫折經濟便迅速崩潰，他表示目前不少人為避疫情而留家不出外消費，因此令經濟雪上加霜，但河國榮認為為避免疫情再爆發，這也是無可厚非，正因此原因，他目前依然與人保持距離，甚少跟朋友聚會：「基本上唔出街，最多係間唔中去茶餐廳買外賣，又或者抱QQ去士多飲吓奶茶。」
至於YouTube頻道的籌備情況，河國榮透露：「概念係有，但係未有行動住，一方面因為我係個完美主義者，想做到最佳效果，另一方面始終要搵多啲人幫手，內容係講音樂，但係近幾個月情緒低落，瞓得唔好兼冇練聲，所以唱得唔好。」
想返澳探父母
今次是否人生最低點？河國榮表示以前遇過更差的情況，他不時提醒自己，一定要相信始終有一日會苦盡甘來，他還說：「好彩之前開咗個音樂會，叫做還咗自己一個心願，如果唔係睇𠵱家情況，都唔知有冇機會實現。我仲好想返澳洲見吓父母，我爸爸係一個超人，柏金遜咁嚴重仲可以堅持，今日佢仲自己整緊雞棚，佢都係一個唔放棄嘅人。」
採訪：唐琛悠