昨日是6.12抗爭一周年，網民發起在港、九及新界多區舉辦圖片展及「和你Sing」活動，一向積極參與的阮民安（Tommy）昨晚現身銅鑼灣，對於抗暴之戰已持續一年，他說：「呢一年我哋冇得到過任何嘢、冇贏過，所以今日唔係紀念，係一個回顧。睇吓街站、展覽，希望睇街站冇犯法。」王宗堯被加控暴動罪，可會擔心他的自身安全？Tommy強調自己絕不害怕：「大家會擔心佢哋，但反而佢哋好硬淨，如果我哋驚，佢哋嘅犧牲就白費。」
港人自由繼續被收窄，港版國安法更即將降臨，Tommy說：「佢哋係無所不用其極。」他又指有教師因讓學生演奏《願榮光歸香港》而飯碗不保，由教育界開始伸延至每位市民。Tommy大仔將入讀K1，原本安排兒子讀政府學校，但現決定報讀私校：「因為有朋友同我講，嗰間學校要聽國歌、要敬禮，我唔想有日個仔返嚟話『共產黨萬歲』，佢可以鍾意共產黨，如果佢係睇晒所有嘢之後。」
訪問期間防暴突於Tommy身旁跑過，並拘捕一名途人，Tommy說：「大家睇到呢啲畫面係每日發生緊，見到嘅時候唔使驚，每個肯行出嚟嘅香港人，我好佩服佢哋，風險就係咁，行行吓街會被人撳落地，唔使驚，我會陪住大家。」
採訪：盧妹
攝影：陳慧安