趣趣地：被捕獲沙拿變「油王」

利物浦球星穆罕默德沙拿原來好豪爽，近日佢去油站入油嗰陣，因為着住紅軍訓練衫就畀球迷「野生捕獲」，吸引咗唔少球迷圍觀，最後佢仲幫喺油站嘅所有人埋單，抵球迷咁錫佢嘅!至於佢嘅隊友華基爾雲迪積克，最近就有傳巴黎聖日耳門會高薪挖角。聞說為免夜長夢多，紅軍就準備同佢續多五年約，仲加佢周薪去到22萬鎊（約214萬港元），成事嘅會佢就係紅軍隊史最高薪球員喇。