近日喺加納傳出咗關於曼聯前鋒拉舒福特嘅傳聞，有位前加納國腳馬基耶喺接受電台訪問突然大爆自己先係福仔嘅親生老竇：「拉舒福特係我個仔，佢都知道，我哋幾年冇見面喇！起初佢好憎我，因為佢覺得係我拋棄佢，但事實唔係咁。我唔係為咗賺錢同名利嘅人，只想將真相講出嚟。」但曼聯官網顯示，福仔老竇係牙買加人Joseph Rashford。