古明華和敖嘉年在近日播出的ViuTV節目《中佬唔易做》中，體驗中年人轉工的難處，前晚播出的第6集，古明華在家居用品店當店員，經過一日體驗後，他直言：「好唔慣，我諗我半年夾埋都冇企過七個鐘，真係企到腰都攣。」提到數年前曾患肺結核，女兒又是長期病患者，加上太太亦生病，古明華謂：「嗰時係我人生最低沉嘅階段，去到某個位最唔好都會過去，希望在明天。就算幾微薄都好，唔好要人幫，只要有能力應付，捱都要捱住先。」
而敖嘉年則做電單車速遞員，其間單人送外賣，但發現手提電話無電，他說：「好耐冇試過咁緊張，但係過癮，比預期中辛苦，因為好多即場問題要解決，平日唔會接觸到咁多呢啲嘢。」但網民批評他不時把叉電器以內地講法「充電寶」。另外，敖嘉年昨到新城受訪，回想初入行也曾捱過苦，他說：「嗰時少工作，喺網上賣啲有關魚嘅用品，盡量想辦法去維生。」
採訪、攝影：羅慧敏
