【娛樂人物】去年6.12，大批市民因反對修訂逃犯條例於凌晨聚集立法會及政府總部，王宗堯親到金鐘現場支援，7月1日示威者佔領立法會，事後王宗堯被指涉嫌參與佔領而被警方拘捕，前日律政司更加控他暴動罪，最高刑期增至10年。面臨有機會面對牢獄之災，王宗堯直言「都知道荒謬，會有最壞嘅打算。」日前於深水埗支持民主女神像展覽的他，更於連儂牆貼上「香港人不死」memo，並勉勵手足：「黎明前嗰刻真係好X黑，但黎明應該好快到。」
撰文：比華利
攝影：仇志德
被封民主男神的王宗堯去年被警方以涉嫌串謀刑事毀壞及進入或逗留立法會會議廳範圍控告，前日突然再被律政司加控他涉暴動罪，最高刑期由3個月增至10年，面臨成為付出最大代價的黃絲藝人，王宗堯日前接受《蘋果》專訪，大談作為港人抗爭一年藏於心底的最深感受，問他可擔心坐監？王宗堯說：「冇得話擔心唔擔心，因為知道係咩刑罰，都知道係荒謬。所以，我會有最壞嘅打算。」
愧對父母放不下愛貓
不過最令王宗堯放不下的，是至親的家人和愛貓：「家人寵物都有一個方案，大家雖然好沮喪，但都有理性應對。」他的父母仍然後生，家中也有胞弟，家人生活上理應問題不大，必要時愛貓也會交託朋友照料，但直認令雙親擔心：「對父母會有啲愧疚。」行到這一步，王宗堯覺得算是他人生最大打擊嗎？「唔算係打擊嘅，每個人嘅機遇都有不同。」
自從人大通過「港版國安法」，香港掀起移民潮，曾說過會留守的王宗堯至今未有受惡法動搖，「到底移咗民完全唔理？定係選擇留喺香港後完全唔理、當冇呢啲事發生呢？人在外國依然放唔低，每日都睇住香港新聞，呢種生活都係好折磨，我選擇堅持到就決定繼續堅持。」
回顧去年6.12，大批市民湧到立法會力阻《逃犯條例》修訂及二讀辯論，一直無懼走在前線助手足的王宗堯，也親到現場支援，還不斷來回補給物資，王宗堯說：「感覺呢一年發生好多事，人生歷練多咗，過去一年我最大感覺係香港嘅真正自由制度收窄咗，但同民主係近咗。」問到王宗堯對過去遊行活動，那一幕留下最深刻印象？他想了想，「8.11嗰日銅鑼灣希慎附近出現便衣警察。」那一晚不少年輕人被卧底警察混入抗爭者中，突擊拉人，有示威者甚至被打甩牙，滿口鮮血遭制服地上求饒。
國安法斷送香港前程
香港抗爭情況一直備受外國關注，王宗堯表示對前景抱有信心，尤其近幾個月轉打國際線，他目標是「黎明來到，要光復這香港」，他也禁不住爆seed說：「黎明前嗰刻係咪好X黑，係真係好X黑，但會抱住呢個期望，黎明應該好快到。因為行到國安法，真係幾冇棋嘅一步，其實係將香港嘅國際地位掟落地再揸爛佢。」
訪問當日，王宗堯到深水埗撐民主女神像展覽，他在連儂牆貼上「香港人不死」memo，同時寄語大家：「香港人要執生，形式上要去堅持，要識走位，唔好『送頭』，保護咗自己先，唔好再有無謂犧牲，每次見有濫捕事件，隔一排就有好多自殺事件，呢啲係我哋唔想見到。」
場地提供：openground