靚媽陳敏之和陳瀅前日在銅鑼灣出席商場活動，愛食甜品的兩人，還到糖果樂園打卡，兼分享親自下廚的經驗與窩心回憶。陳敏之近日也有專注研究甜品，享受與囝囝的親子時光：「最近喺屋企經常同囝囝一齊整甜品，仲學識焗蘋果批。喺現場睇到好多糖果甜品，令我好掛住日本嘅雪糕，細滑、軟綿綿嘅口感。」陳敏之亦提到自己平時最喜歡吃的甜品有很多，如有蘋果金寶、蘋果批、香蕉船雪糕等，也會經常在家親自下廚整甜品與家人溫馨享用。
現忙於拍攝劇集的陳瀅則透露抗疫時期搶麵粉整餅，她說：「之前stay home期間，同其他女仔一樣，去咗超級市場搶麵粉，然後整餅。因為自己太得閒，創造咗一個陳瀅嘅Quarantine Cookie，非常之好味。」當說起最喜愛的甜品，她指離不開巴黎：「上年我都去咗巴黎兩次。今年因為疫情關係去唔到，所以疫情過後，想立刻飛去巴黎食甜品。」
撰文：王嘉淇
更多精采時尚內容，盡在 http://add.appledaily.com。