【本報訊】多名自僱生意人被騙下載「冒牌App」後破財，有專家指製造涉案仿冒手機應用程式難度不高，「又唔係真係有啲咩交易，根本就冇功能」，提醒市民下載App時要留神，只應從App Store及Google Play等官方商店下載，以減低受騙風險。
仿冒手機應用程式於網絡上橫行，防不勝防，無線科技商會執行委員李勁華稱，製造仿冒網站或手機App難度不高，「你照抄個樣使乜要佢（正版應用程式）啲code（編碼），又唔係真係有啲咩交易，根本就冇功能，如果係零功能嘅，即係我唔使寫任何program（程式）啦」，直言無任何技術可言，更笑言真正難度在於如何引導他人順利下載非正版的應用程式。
多重審批保障用家
李提醒，市民應在App Store及Google Play等官方商店下載應用程式。因應用程式於官方商店上架時，需經多重審批，大大減低出現「冒牌App」的情況。以App Store為例，除了會利用電腦程式審視程式編碼，更會有審核人員親身試用App，「佢哋亦會睇吓，究竟佢（開發者）係咪真正版權持有人，或者係咪有公司委託」，如有懷疑，會要求開發者提供更多資料，才會通過審核。
他指，市民如須在非官方途徑下載應用程式，要衡量風險，「你從一個完全冇審批嘅渠道下載一個App，你唔知嗰個App真正功能係乜嘢，無論你睇落去個樣似乜，都唔代表真係反映返佢個功能係做啲咩。」
■記者趙媛媛