馮盈盈去年底與拍拖4年的十優醫生男友分手，回復單身的她相當進取，除了近月被傳出跟大隻主播鄭衍峰拍拖，上月尾忽然被爆暗撻賭王兒子何猷亨，偕好姊妹江嘉敏孖猷亨開船P。事件曝光後，盈盈指是應江嘉敏邀請出席，江嘉敏則否認自己是「媒人」，更反駁盈盈跟猷亨一早相識，日前江嘉敏在Ig留言：「知人口面不知心」，矛頭直指盈盈！
稱減少用社交網
前天是盈盈26歲生日，她到鄭裕玲節目做嘉賓，盈盈更獲劉佩玥送蛋糕慶祝，被問到是否與江嘉敏姊妹情不再？盈盈笑住點頭：「哦，冇啲咁嘅事。」她又說：「我覺得就算係朋友，都應該保留返一啲個人空間同私隱畀對方，唔需要事事過問。」不過她與江嘉敏過往「情同姊妹」，不時在社交網晒合照，現時只以「朋友」相稱，似乎已將對方降呢。至於有指與猷亨早已認識，盈盈也不敢多言：「我諗牽涉太多朋友，我就唔係太方便答，我都唔想講太多。」
盈盈昨與劉佩玥與何依婷等，出席今年港姐記者會，盈盈再被問到與江嘉敏的姊妹情，她表示：「如果係針對嘉敏啲post，其實我都唔係太清楚，因為呢半個月，甚至我噚日生日，我都冇特別用社交網出post或者更新。我覺得新一年可以嘗試沉澱吓自己，唔需要再依賴社交平台，所以網上發生乜事我真係唔太清楚。」盈盈隨後又再指，朋友要有私人空間，不需事事過問。再被問到是否與江嘉敏有不和，她斬釘截鐵地說：「絕對冇。」
記者會上，陸浩明（6號）以「可以周圍飛」及「容易識到朋友」等hashtag來介紹港姐是份筍工，說到「可以周圍飛」，6號跟麥美恩即抽水，將盈盈跟緋聞男友鄭衍峰擺上枱。6號說：「拍旅遊節目經常周圍飛，好似我兩個好拍檔麥明詩同馮盈盈咁，早排我哋去加拿大拍《後生仔傾下偈》，嗰個trip係改變咗其中一啲人嘅一生。」之後麥美恩邀請盈盈出場分享選港姐感受，麥美恩又跟6號唱雙簧，麥表示去完加拿大不似盈盈這麼開心，6號即謂：「應該hashtag加多樣『可能會搵到你嘅Mr. Right』！」麥美恩附和說：「你應該話搵男朋友。」馮盈盈聽得笑不攏嘴。
港姐搞網上面試
另外，今年香港小姐競選將以全球網上面試及網上訓練進行，無綫助理總經理（非戲劇製作）余詠珊表示，決賽時在台上着靚衫是一定會發生，又指為確保參選人的真偽，會進行調查：「因為佢有可能係男生，亦有可能做咗好多修圖。」
撰文：栐仁