廚師辛勞工作終於下班，突被20白衣人在元朗街頭圍毆，一個月後警察才錄了一次口供，近一年調查音訊全無，這就是7.21遇襲廚師蘇先生的經歷。每月21日他克服恐懼，如常在元朗上班，或是參加紀念集會。他說，港人共同抗爭和互相支援經歷，建立的身份認同，比血緣有更大連繫。
記者上月約遇襲廚師蘇先生做訪問，他爽快答應。問起警方後續調查，他吸了一大口氣再呼出，「（去年）8月中錄一次口供直至𠵱家。咁多個月無再有任何跟進，無認人、乜都無，亦都無同我講調查結束，畀我感覺完全係當無回事。」
憂講真話權利被剝奪
蘇生說，過去一年香港有很多小型7.21事件，例如5月初樂富有人清理連儂牆時，持械襲擊附近街坊，影片顯示警方涉嫌放生疑兇，「同樣事件以差唔多形式不停發生，咁都得嘅？」他對警方調查不抱期望，亦對香港司法制度失望，「支持政府做乜都輕判，你攞把刀捅人，（法官）仲可以話高尚情操。」
這一年間蘇先生接受各地傳媒訪問，「𠵱家仲有影響力唔做，30、40年後連講嘅權利都無。」
蘇生說，理大圍城對他觸動最深，很多市民趕赴理大外圍，甘為陌生人冒險，「有車出車，無車就出人，做到乜都好，真係感受到佢哋有共同目標……唔係血緣連繫，但比血緣更大連繫。」
蘇強調，年輕一代已不滿足獅子山年代只求「搵食」，更要民主、自由，「我哋𠵱家追求嘅，再唔係醫飽個肚，亦都唔可以剩係追求醫飽個肚，如果唔係你成個社會點進步？」
前教大學生會會長梁耀霆，8.31以涉嫌非法集結被捕，之後被無條件釋放。他入稟要求港鐵交出當晚閉路電視片段，3月勝訴，得到影片只是索償的第一步。吳靄儀認為社會未能給予警暴受害人足夠精神支持，法律又不能保障他們，「我希望大家畀呢啲受害人更多精神上支持，如果佢哋係因為去告警察而令自己被人告，我哋應該揭露出來。」