689凶獅子銀行，警告中央隨時出手，被中國與其他國家的銀行「隔夜取代」。我經過依然圍封白板的獅子分行，田野觀察各分行有冇漏夜閃走，明天鋪位變吉，獅子開大口得個吉鋪窿，真係見過嘛。勝在獅子銀行知驚，一哥親到灣仔街站簽名撐国安法，上載照片打埋卡。簽名雖然不是鈔票上的英文字樣，但細心地將自己個名殘體，迎合腦殘的官媒喉舌，689都收貨吧。批鬥資本家的文革騷玩得太盡，弊多於利，有錢佬一怯，走資賣產，向國際發出白色恐懼訊號，連獅子都被跪頸，大鱷肯定悲鳴「我不能呼吸」。中共被迫出手，隔夜取代的紅色資金奉命湧來，塘水滾塘魚，好快dry，月入僅千元的六億強國同胞，和你滾，地攤擺到識飛？天方夜譚啊！香港一鑊粥滾瀉，六億人煲粥但冇米落鑊，絕地反抗，刻不容緩，會高喊那一句口號？一黨專政，隔夜取代？庚子一握，大家看到了，韓瘋總統夢被握碎！手握大權者唔信邪，但隔夜取代這四隻字，夭心夭肺，自詡為龍的習帝，上網睇吓支龍獅旗，睇到鎮守銀行兩頭雄獅遭毀後武肺隨即大流行的凶險玄數，會諗多咗，將689擺落地攤賤賣，唔奇。