2014年喺退保小組委員會發表反對全民退保言論而被余婆婆破口大罵，從而獲得「西門梓敬」稱號的李梓敬，日前再喺facebook專頁發表驚人言論，網民皆為其邏輯而震驚。
選擇性刪留言
落選區議員李梓敬昨在專頁發文：「黑暴手足們，比（畀）啲骨氣！政府嗰一萬蚊唔好攞！唔可以接受暴政施捨！#請廣傳」。帖文獲得大量留言支持，例如「黃屍唔好飲東江水呀」、「死曱甴唔好喺中國土地上生活」等。可惜，一面倒嘅呼聲原來係來自「西門的審查」，有網民喺討論區到投訴，自己嘅留言全被刪除，甚至有網民表示被封鎖而留唔到言！
原帖留言區變一言堂，唔少網民轉去討論區回應，有網民話原來李梓敬都認同777政府係「暴政」！又有人話「政府畀啲骨氣，唔好收黑暴稅」、「班官有啲骨氣，唔好將身家屋企人送晒去外國先啦」。商人、專欄作家鄭立更舉草船借箭為例：「曹操：『你有骨氣唔好用我啲箭！』」據聞李梓敬有意出選立法會選舉，點解咁無骨氣想攞來自民間稅收嘅議員薪津呢？