【本報訊】去年6月15日，身穿寫有「林鄭殺港、黑警冷血」黃色雨衣的梁凌杰在金鐘太古廣場墮下身亡，成為反送中運動首名犧牲的抗爭者。民陣形容，他是這場運動的真正領袖；港人一直堅持的五大訴求，正是梁凌杰的橫額所寫。民陣呼籲港人下周一一同穿起黑衣、佩戴白絲帶，悼念他逝世一周年。民陣秘書處成員當晚會前往太古廣場獻花，警方則曾勸止他們公開悼念。
記者：李詠希
記者會上，民陣召集人岑子杰透露：「警察打電話過嚟，同我講，你哋可唔可以唔好公開同人講你哋會有悼念呀？你私下做得唔得呀？我嘅回答係，當一個人、一個本身寂寂無聞嘅香港人，佢光明正大咁為香港人犧牲咗，點解我哋去紀念佢、表達敬意嘅時候，我哋要私底下靜悄悄，好似唔見得光咁去做？」
去年6月15日，梁凌杰帶同寫有「全面撤回送中」、「我們不是暴動」、「釋放學生傷者」、「林鄭下台」等的橫額，在太古廣場墮下身亡，觸發翌日200萬人上街，創下香港史上最多人上街的歷史。岑子杰說，反送中運動一直堅持的五大訴求不是由民陣提出，首名列出五大訴求雛形的是梁凌杰，「如果呢場運動裏面，真真正正有一個領袖嘅話，唔係立法會議員或者民陣，而係梁凌杰」。
逝世一周年 太古廣場外獻花
民陣秘書處成員將在本月15日晚上、即梁凌杰逝世一周年當日，到太古廣場外獻花。民陣並呼籲港人，全港當日身穿黑衣、扣上白絲帶悼念，「唔可以忘記任何一個為香港犧牲嘅人」。岑子杰說，民陣「冇做大台好耐」，港人可選擇以自己的方式悼念。
昨日是6.9 100萬人遊行一周年，岑子杰說感到悲哀、憤怒和心痛，「我哋冇能力去紀念，因為反送中運動從未停止，而且係現在進行式，只係香港人條路更加難行」。
林鄭拒談惡法：我唔可以講任何嘢
回應一年前的百萬人大遊行，林鄭月娥昨日出席行政會議前說，過去一年，香港經歷過的困難，每個人都要吸取教訓，特區政府要吸取教訓，各個立法會議員都要吸取教訓，並重申香港承受不起這些亂局，「香港市民希望有一個穩定、安寧嘅環境，可以喺呢度安居樂業……我覺得呢個係大家經歷咗12個月嘅共同願望」。
記者問林鄭有沒有吸取教訓，將來處理國安法時，如何去聽取民意？她推說：「有關國家安全立法嘅內容，我唔可以喺度講任何嘢，因為呢次係中央層面嘅立法工作，我唔能夠喺呢度推測、預測裏面嘅條文係點樣。」
民陣記者會上，工黨立法會議員張超雄怒轟林鄭：「呢個咩人嚟㗎？送中法呢條惡法，香港人已經引起咁大嘅動盪反響，佢一手一腳搞出嚟，死唔悔改，死唔聽民意，剛愎自用，造成今天嘅災難。你作為香港特首，一條咁樣嘅惡法喺北京製造，硬套落嚟我哋香港人身上，你竟然話我哋唔可以講咩嘢？呢個咪特區政府、奴才，完全甘願做傀儡。」