與梁灝雋同病相憐的有36歲大師兄鄭國輝，太太Audrey是新加坡人，2人於2018年除夕在港結婚，之後香港、新加坡兩邊走，雖因各自學業及事業聚少離多，但也不及今次疫情分隔的日子長，鄭國輝預計到年底才能見到太太，接近一年分隔兩地。
「我和太太最近一次見面，係一月底農曆年我去咗新加坡幾日，之後到𠵱家都未見過。」現為香港滑浪風帆隊男子精英組教練的阿輝，由於臨近東京奧運，加上太太在新加坡的學士課程還有一年，阿輝早料到二人今年見面機會不多，但更猜不到這疫情先令香港陷困境，近月到新加坡爆外勞宿舍大群組，本月已累積超過30,000宗確診個案，鄭國輝說：「太太住新加坡市中心，同外勞宿舍相隔好遠，加上新加坡防疫措施好嚴，令我放心啲；但婚後太太一直未搞香港身份證，主要因為佢喺新加坡嘅學士課程要讀到出年，本來諗住今年12月申請，點知會有武漢肺炎。」
現在天天跟太太視像聯絡的阿輝，坦言日後想到新加坡長住，但在香港仍有未了心願，就是希望帶領香港運動員出戰奧運及亞運；香港精英隊已於上月八日復操，為明年七月的東奧備戰。