現年36歲的洪永城與32歲的梁諾妍（Inez）拍拖年半，一直十分恩愛，每當提到另一半，Inez必定大方分享，早前接受《蘋果》專訪時，她直認與洪永城展開同居試婚生活兩個月，還大讚對方脾氣好，至今未試過嗌交。洪永城昨日在將軍澳出席新劇活動時，他承認同居，但不是試婚，他說：「純粹試吓一齊生活係點，我相信喺生活上有好多嘢要磨合。」
彼此協調壞習慣
洪永城又提到每個人都會有壞習慣，同居就可以讓彼此作出調整，若能互相協調的話會更加甜蜜，他說：「大家都懶啦，大家仲係學習當中，咁每個人都有啲壞習慣，希望嗰啲壞習慣，可以喺一對情侶嘅生活途中一齊調整吓，調整到就好開心，調整唔到都要搵辦法調整。」問到女友被堪輿學家楊天命批有機會奉子成婚，當時Inez坦言不介意，只是未知洪永城準備好未，洪永城昨表示會好好朝着這個方向發展。
想回家看到對方
另外，Inez早前接受《蘋果》專訪，表示因為與男友都忙於工作，試過兩個星期都見不到面，所以想在同一個空間下，回到家看到對方，可以見見面、聊聊天。所謂「相見好同住難」，她認為有同居的必要，更直言現時仍處於蜜月期，閒時都會煲湯給男友，不過Inez的經理人踢爆，試過碗碟放在洗碗盆中，十日沒有清理。Inez反應很大：「哎呀，你做乜爆我啲嘢？」及後Inez笑稱：「大家都鬥冇手尾，哈哈。因為嗰段時間太忙，返到屋企食個消夜就揼低晒啲碗，瞓都唔夠，仲邊有時間洗？最後係我請假去洗晒啲碗，仲執埋間屋，原來兩個鐘真係做唔晒咁多家務！」
採訪：王梓嫚
攝影：陳慧安