【本報訊】有論調指香港23條遲未立法，中共惟有出手訂立港版國安法，前基本法起草委員會委員、民主黨創黨主席李柱銘昨稱，建制派一直佔議會多數議席，23條未立法是政府及建制派的責任，而非在野民主派，斥「做唔到就賴在野黨，係完全唔合邏輯」。他又稱，前特首董建華推23條立法觸礁後，政府及建制派一直不想23條立法，「特首唔想孭黑鑊，建制派都唔想孭黑鑊，驚名譽唔好，屋企人唔開心，驚選舉時失選票」。
對年輕人於心有愧
李柱銘昨接受無綫節目《講清講楚》訪問時稱，政府及建制派批評民主派妖魔化23條，但23條草案損害《基本法》賦予結社、言論自由及宗教自由的權利，若非條文削弱人權，相信當年民主黨也會支持。他相信港版國安法將影響他在外國的游說工作，但不會因此離港，「中央違背（中英）聯合聲明，唔畀港人高度自治，點解我唔企喺度繼續爭取？」至於喊港獨口號和舉港獨標語應否入罪，李認為只要沒煽動意圖，不應視為違法，「言論自由嘅意思，就係幾唔鍾意聽，你都要畀人講」。他指現行法例足以制衡政府口中的暴行，「現有法律已經全部控制到，點解要呢啲法律？」
他又對年輕人表示同情，稱如香港有民主、不受中央干預，年輕人亦會參選，「你唔畀佢，佢先去抗爭」。他指年輕人認為「和理非」沒有作為，不會聆聽，但他認為武力難與警察抗衡，須以真理及正義站在道德高地，爭取國際支持。他坦言一直對年輕人於心有愧，其早前被捕反令他「舒服晒」，「坐監咪坐監，而唔係其他年輕人坐監，我哋唔使」。
■記者李思潁