十年前，社民連被視為泛民光譜中最激進的一環，但時移勢易，公民抗爭手段不斷進化，新一代眼中，社民連大概和激進扯不上關係，甚至有人會批評他們「左膠」。在3月接任社民連主席之位的黃浩銘承認，2019年逆權運動擴闊了他的接受程度，經過理性思考的暴力抗爭應予以尊重。但他認為，非暴力抗爭之路仍未徹底絕望，香港離「終局之戰」仍然遙遠。
逆權運動前期，黃浩銘仍在為佔中案服刑。他在獄中見到大型衝突、「裝修」商舖甚至私了時，都曾有過猶豫和忐忑，「咁做得唔得㗎？香港市民接唔接受？」反而是身邊的黑道囚友對他有所啟發，「佢哋大部份都好支持，支持年輕人去衝、覺得佢哋反抗個政權係啱，可能佢哋本身都係制度嘅受害者啦……係咪我平時睇嘢睇得窄咗？」
「民意好似流水有變化」
黃浩銘記得，2011年反財政預算案遊行中，他和同伴首次堵路，進行不合作運動，當年受到民眾猛烈批評，大部份民主派亦忌諱激烈抗爭，害怕背離民意。「但民意喺邊呢？原來民意真係好似流水，會有變化，個接受程度可能會擴張、縮窄。」事隔九年，如今攻入立法會都被廣泛接受。
因社運三次入獄的黃浩銘表示，非暴力抗爭始終是他的信念，7.1佔領立法會與他的底線「有少少砸界」，私了亦只應限於自衞反擊，不應單純因不同意見而出手。但他認為如今民眾的眼界闊了，大家應一起去討論、判斷，有意見分歧，亦不應譴責，「只要佢哋知自己做緊咩嘢，知道個代價，唔介意為呢樣嘢付出。咁佢係一個理性嘅人嚟喎，點解你唔尊重佢？」
近來多次有人因爆炸品或槍械被捕，本報問卷調查結果顯示，三成人對抗爭手段無底線，黃浩銘擔心年輕人會因此失去人生的全部自由。黃浩銘認為，港人應慎思「無底線」。南非總統曼德拉在自辯時曾表示，因非暴力抗爭走到盡頭，才離開非洲人國民大會，成立民族之矛，去做武裝訓練，「但佢哋都唔係無底線……佢哋選擇破壞公共設施，唔會傷害人嘅身體，唔想對社會造成長遠嘅傷害」。
黃浩銘認為，非暴力抗爭未徹底絕望，因三罷真正的力量仍未曾實現，「海員大罷工、省港澳大罷工，全部都有威力，（今天）香港人做唔到呢個規模，即係組織力唔夠啦，係咪應該要反省？」