男子組合ERROR早前為ViuTV拍新節目《ERROR自救TV》，其中一集有黃夏蕙踩場傳授「定格大法」，令ERROR跳舞技巧大躍進，ERROR與夏蕙BB年齡相差近60載，令89歲的夏蕙BB有回春感覺。夏蕙BB昨接受電話訪問說：「好開心好好玩，佢哋做我個仔都嫌細啦，似孫仔，感覺回復幾十年前，佢哋好尊敬我呢位長輩，我就當大家係平輩，佢哋點玩我點玩，最初佢哋都驚我NG，好彩我有啲經驗。」
雖然一把年紀，夏蕙BB自認夠潮不會跟社會脫節：「雖然一齊有兩個時代感覺，但佢哋講乜我都識聽，𠵱家嘅佢哋等同當日嘅我，我冇當自己係老人家。」ERROR隊長肥仔說：「夏蕙姨最初都唔識我哋，但玩玩吓大家都好癲，喺佢身上學到好多嘢。」
採訪：卓寶花