28歲的「十優」港姐麥明詩，畢業於英國劍橋大學法律系，選美後加入娛樂圈即備受重用，成無綫親生女，至去年，她卻突然改簽一年一騷的「綠葉制」，重拾律師本行，有傳她月薪高達40萬元！返璞歸真後，她曾被傳媒拍到其上班況狀，一身OL打扮十分樸素，其時她更充當「阿四」幫同事買凍飲，似乎早已融入這種上班族生活，可是日前有指，麥明詩過了半年OL生涯，感到苦悶刻板，加上不及以前多姿多采兼容易搵快錢，故於3月中出席導演葉念琛的生日會時，主動向無綫高層樂易玲提出回巢。
對此，麥明詩昨日回覆傳媒時表示，希望專注現時事業，若無綫有朋友需要，亦願意出手幫忙；又在Ig中再次重申：「沒有回巢想法，勤力返工嘅冇乜邊個唔辛苦，但係有付出先會有收穫，現時工作充實有意義。想繼續發展𠵱家嘅專業事業，希望大家畀啲空間，盡量唔想影響到公司同埋同事，日日返工係唔會有時間扮靚，連頭髮都冇時間梳，批評打扮冇乜意義。」
撰文：卓寶花
