溫碧霞（Irene）憑新片《墮落花》奪得愛爾蘭「第8屆絲綢之路國際電影節」最佳女主角，她昨日聯同導演張卓斌及幕後人員，到西貢登上遊艇慶祝榮升影后。Irene說：「之前冇慶祝過，只係一班朋友俾我驚喜，自己未遇過咁好嘅劇本同導演，攞到最佳女主角，又入咗咁多影展，還咗自己心願。」Irene指老公好鍾意套戲，上映時亦請了很多朋友欣賞。
Irene透露，將與《墮落花》同一幕後班底再合作拍攝新片。「應該會做女主角，齣戲係愛情懸疑片，現在初步構思，還未定男主角，預計年底開拍，喺日本京都取景。」此外，Irene表示，會參與古天樂搞的疫情片。「唔收錢都冇所謂，最緊要振奮電影市道，好多業內人士冇嘢做，聽到都好唔開心，自己要盡量支持。」
採訪、攝影：張明