美國非裔男子弗洛伊德日前遭白人警員跪頸致死，引起民眾關注黑人在美國被歧視的問題，不少香港藝人都加入聲援反對美國警暴，可惜卻對同樣受警暴的香港視而不見，商台DJ梁文禮前日就在社交網留言鬧爆：「各位歌手artist們，希望你哋唔好做『偽人』，如果過去一年冇發表過關於香港警暴嘅嘢，亦希望你哋唔好人做自己又做走去post黑圖又# blackxxxx，好反感。黑人被白人警察壓死嘅源頭係『警察濫用暴力』如果你貼黑圖支持呢件事，即係你都支持要制裁香港警察，歡迎加入！」
其後王宗堯亦有share post並說：「要豬就豬一世。唔好豬啲唔豬啲。我比較直接，唔係有道德高地，唔怕得罪RMB先出嚟攞光環。」鄧穎芝亦有在梁文禮的post留言：「唔係淨係artist，其他人都一樣。」有不少網民表示認同，覺得梁文禮說出許多市民的心聲。
伍家謙：唔關心自己間屋
無綫前主播伍家謙有加入譴責行列，他貼了一張寫有「我想嘔呀」的電影劇照並說：「自己屋企火燭，聲都唔聲下；對面海有間大廈着火，第一時間聲援！大愛係好事，不過愛到唯獨係唔識關心吓自己間屋，個邏輯好怪囉。」此外，杜汶澤亦在fb留言：「精打細算的香港藝人們，機會來了！趕緊上網譴責美國警暴，為黑人發聲，既可盡顯你們的愛心爆棚，又不涉及政治，實在太棒了！行動要快噢！」方皓玟留言：「我很喜歡你的虛偽埋藏皮膚底入面是隻鬼。」
撰文：南瓜