楊局長支笛，由見記者時一直左手捂住自己左邊屁股的張司長接嘴，吹脹！29%自稱非民主派人士，接受香港民研調查，竟然反對国安法。成何體統！近三成市民被誤導喎，国安法與DSE歷史考題一樣，這29%自稱非民主派的，蠢到笨加柒！等住再出發，卻等到再出殯的689，陰森在fb預告：這29%，比獅子銀行的遲遲不表態，更惡劣！這29%香港人，有別於支持民主強烈反對国安法的96%，在689眼中，29%的建制傍友，賺大陸錢，飲香港水，拜習帝為神，竟然唔撐国安法，咁反骨，唔舉報就假！繼#黑警死全家後，今次點hashtag？噢，眼見美使館放售壽山村道長揸了72年的豪宅洋房，叫價一百億，何氏家族打個乞嗤就買咗，不出奇。但689唔係唐少，美資帶頭賣產，他的山頂豪宅順勢跌價，當年袋袋平安那五千萬唔夠龍蝦養老，唔夠愛女養病。美國制裁港官，禍必及妻兒，689首當其衝，#美國佬走！滾！發洩都冇用。擔心唔知幾時被美國杏家橙的，有離晒罩、痛濕底褲的777、司局長兩會議員與黑警，天網不漏，佔港人29%啱條數。再也捂不住（張司長囑家人急賣產，689兌美金），老海鮮效應，七月十四鬼門關，提早開。