【本報訊】繼去年10月屯門出現不明氣體導致多人不適後，流浮山昨午再驚現同類事件，不少人嗅到懷疑強酸氣味。有讀者及後目睹多輛衝鋒車由白泥駛至，懷疑警方曾於青山練靶場訓練，讀者直斥「咁近民居，唔係放催淚彈嘛？」
市民跑入公廁清洗
昨午約2時，讀者劉先生駕車到流浮山用膳，落車嗅到強酸，「好揦眼揦鼻，飆晒眼水，衝咗入廁所洗眼！」當時不少市民慌張奔入公廁，有人眼睛泛紅，面露痛苦神色。現場鄰近白泥青山練靶場，劉質疑：「會唔會軍營放緊催淚彈？」約一小時後，劉駕車離開時目睹至少八輛衝鋒車由白泥方向駛至，車內大群防暴警，料不明氣體與警方有關，「我知靶場用嚟訓練，但咁近民居點可以用催淚彈？」本報曾到靶場視察，發現一輛警方爆炸品處理科車輛停泊，車上人員拒回答曾否進行訓練。
立法會議員尹兆堅指，根據現場市民反應，相信氣體極可能是催淚煙，去年亦曾出現同類事件，情況令人關注。尹表示靶場鄰近民居，警方不應以化學品訓練。警方回覆指機動部隊昨於青山靶場訓練，其間使用恒常訓練彈藥，指風向令訓練煙飄向上白泥及下白泥一帶。
■記者劉柏麟、簡明恩