新任勞工及福利局副局長何啟明噚日履新，噚日朝早喺局長羅致光陪同下見傳媒，不過何啟明第一日開工就露底，反映佢真係唔多掂。
答英文問題hang機
事緣有港台記者用英文問佢會否考慮推出第三輪防疫抗疫基金，咁何啟明叫做之前係勞工界議員，冇理由唔識答，但係佢一聽到英文，第一時間唔係用英文答問題，而係拎貓紙！
其實拎貓紙都算，但佢話晒係九龍華仁讀中學、中文大學哲學系畢業，拎貓紙答都「Er Er Sir」上身，答得嗰40秒問題都er嚟er去，答到一嚿嚿，最後搞到要老細羅致光出手解圍，代佢回應有關問題。
其實何啟明英文唔多掂已有前科，有次佢同黨友黃國健、陸頌雄同郭偉強會見政務司司長張建宗，又係講擴大抗疫基金，之後見記者要答英文問題，佢又係er嚟er去，仲因為聽唔明問題一度「hang機」，答非所問，所以𠵱家做問責官員，能力已非重點，夠紅夠忠就得。