波斯尼亞警方最近喺一次有關販毒及組織賣淫集團嘅搜捕行動中，拉咗一位曾執法歐聯嘅球證。當地警方當時偵查一個賣淫集團嘅首腦時，拉咗9女26男，同時搜獲可卡因、槍械同大量現金，而其中一名被捕人士就係波斯尼亞籍嘅球證維仙歷。不過佢目前已獲釋，仲解釋自己係證人協助調查：「我當時係接受咗個農場參觀邀請，無啦啦有警察衝入嚟，我講咗唔識佢哋。」相信今次係一場誤會嚟。