邪門。鄭柒市長得戚說，樂見市民支持国安法，香港再出殯就剃佢眼眉，一百歲唔死有新聞的闊佬，揀正呢日，表態頂唔順，第一個向国安法說不！借689金句用吓，就是「身體最誠實」的表表者。
闊佬不是寧為玉碎的手足，但「決絕走人」，起到特大示範作用。闊二代，趁雞籠還是無掩狀態，紛紛出逃。將來話之你身家N億，想接近個籠都難，籠門與龍門都係中共佈局，你以為踢波用龍門，錯晒，係雞籠呀。場波超詼諧，球員球證都由中共照肺，全部老海鮮，中場休息，隨時再有人出殯，踢波變扶靈，是治港確診新常態。唔信，睇吓老董腎虛除口罩後副病容。
国安法=催命符，本地政商雙面人逐個熄燈，從此，人渣與闊佬均由內地大量輸入，明夾香港人，行新疆那一套。教育營選址嗎？新屋嶺大裝修後任影示範單位，就係刻意令你諗多咗！
靈媒指鄭市長自招惡魔，她愈賣力硬銷惡法，愈搞死成件事。闊佬瓜柴，鐵證如山。北京與唐山相繼地震，正是地有靈犀。鐵嘴雞市長×掃把星議員，兩手邪牌，輸埋香港條命，押注再出發，闊二代拖埋公僕陪葬，集體處理，再出殯。