苟芸慧在無綫劇集《飛虎之雷霆極戰》中飾演馬國明老婆，今次是她相隔4年再拍劇，劇中苟姑娘飾演一名搞笑惡妻，有不少鬧爆馬明的戲份。苟姑娘首次跟馬明合作，她對男方有讚無彈：「有時我狀態唔好自己都𤷪𤺧，但馬明就好有耐性對住我笑，叫我唔使緊張。戲中我哋有個囡囡，埋位前馬明會主動同個小朋友互動，感覺好有爸爸feel。」
苟姑娘自認曾將角色的惡妻性格帶回家中，幸好老公陸漢洋欣然接受，至於他可有到場探班？苟姑娘沒好氣說：「試過一次，之後我返到屋企同佢反映，唔好再嚟現場探班，咁樣會令我分心，好似成日有對眼望住我咁，好唔自在，不過佢就話嗰次係嚟睇馬明，仲話馬明係佢偶像。」
撰文：寶妮